மெரினாவில் “பனைமரப் பசுமை பாதை” உருவாக்கிய தமிழ்நாடு தன்னார்வலர்கள் — நடிகர்கள், தன்னார்வலர்கள், குடும்பங்கள் இணைந்து பங்கேற்பு!

நவம்பர் 2, 2025
சென்னை, மெரினா கடற்கரை

தமிழ்நாடு முழுவதும் 1 கோடி 18 லட்சம் பனை விதைகள் நடவு சாதனை

தமிழ்நாடு தன்னார்வலர்கள் அமைப்பு, தமிழ்நாடு அரசு சுற்றுச்சூழல், காலநிலை மாற்றம் மற்றும் வனத்துறை, பசுமை தமிழ்நாடு இயக்கம், மாவட்ட நிர்வாகங்கள் மற்றும் தொண்டு நிறுவனங்கள் இணைந்து முன்னெடுத்து வரும்
“பனை விதை நடும் நெடும்பணி – 2025” கடந்த செப்டம்பர் 16, 2025 முதல் மாநிலம் முழுவதும் சிறப்பாக நடைபெற்று வருகிறது.

இன்றுவரை தமிழ்நாடு முழுவதும் 1 கோடி 18 லட்சம் பனை விதைகள் வெற்றிகரமாக நடப்பட்டுள்ளன.
ஒவ்வொரு நடவு செயலும் “உதவி செயலி (Udhavi.app/panai)” மூலம் புகைப்படத்துடன் அட்சரேகை–தீர்க்கரேகை (Geo-tag) இணைத்து பதிவேற்றப்படுகிறது.
இதன் மூலம் நடவு செய்யப்பட்ட இடங்கள் துல்லியமாக பதிவாகி, முளைத்த பனை கன்றுகள் பராமரிக்கப்படுகின்றன.

ஒவ்வொரு பங்கேற்பாளருக்கும் தமிழ்நாடு அரசின் அங்கீகார சான்றிதழ் தானியங்கியாக வழங்கப்படுகிறது.

மெரினாவில் பனை விதை நடவு விழா – பசுமை தமிழ்நாட்டுக்கான பொது இயக்கம்

பசுமை தமிழ்நாடு இயக்கம், தமிழ்நாடு தன்னார்வலர்கள், சென்னை மாநகராட்சி மற்றும் மாவட்ட நிர்வாகம் இணைந்து,
நவம்பர் 2, 2025 காலை 7.30 மணிக்கு
மெரினா கடற்கரை மாற்றுத்திறனாளிகள் மரப்பாதை (விவேகானந்தர் இல்லம் எதிரில்)
பனை விதை நடவு விழாவை நடத்தினர்.

நடிகர்கள் மற்றும் சமூக செயற்பாட்டாளர்கள் ஆரி அருஜுனன், அறந்தாங்கி நிஷா, தமிழ்நாடு தன்னார்வலர்கள் தலைமை ஒருங்கிணைப்பாளர் ஹரி கிருஷ்ணன், ஒருங்கிணைப்பாளர் ராமகிருஷ்ணன், பனை விதை நடவு பணி தலைமை ஒருங்கிணைப்பாளர் லெனின், தமிழரசன், “மனிதம் காப்போம்” சங்கத்தின் சந்துரு குமார், தன்னார்வலர் ஆனந்த், “குழலோசை” அமைப்பு உள்ளிட்ட பல்வேறு தொண்டு நிறுவன தன்னார்வலர்கள், குழந்தைகள் மற்றும் குடும்பத்துடன் சேர்ந்து சுமார் 300 தன்னார்வலர்கள் இந்த பனை விதை நடவு நிகழ்வில் ஆர்வத்துடன் பங்கேற்று விதைகள் விதைத்தனர்.
சுமார் 300 தன்னார்வலர்கள் இணைந்து 5000 பனை விதைகளை 250 மீட்டர் நீளப் பகுதியில் நடவு செய்து, கடற்கரையில் இருபுறமும் பனை மரங்களால் சூழப்பட்ட “பனைமரப் பசுமை பாதை”யை உருவாக்கினர்.

தமிழ்நாடு தன்னார்வலர்கள் அமைப்பின் பணிகள்

தமிழ்நாடு தன்னார்வலர்கள் அமைப்பு கடந்த 10 ஆண்டுகளாக 23 சமூகப் பணிகளை தொடர்ந்து மேற்கொண்டு வருகிறது.
அதில் முக்கியமானவை:

பனை விதை நடும் நெடும்பணி
போதையில்லா தமிழ்நாடு இயக்கம்
பேரிடர் மீட்பு பணி
குருதிதான சேவை (Raththam App)
கல்வி மற்றும் சமூக விழிப்புணர்வு
ஆதரவற்றோர் நலத்திட்டங்கள்

இத்துடன் 10,000+ தன்னார்வலர்கள் மற்றும் 2,300+ தொண்டு நிறுவனங்கள் இணைந்து மாநிலம் முழுவதும் சமூகப் பணிகளில் ஈடுபட்டுள்ளனர்.

பனை மரத்தின் சிறப்புகள்

பனைமரம் தமிழ்நாட்டின் மாநில மரம் — தமிழர்களின் வாழ்க்கை, பண்பாடு மற்றும் இயற்கைச் சூழலோடு இணைந்த மரம்.

பனைமரத்தின் முக்கிய நன்மைகள்:

நிலத்தடி நீரை காப்பாற்றும் இயற்கை நீர் பாதுகாவலன்
கடற்கரை மண் அரிப்பைத் தடுக்கிறது
இலை, நார், ஓடு, கருப்பட்டி, பனைவெள்ளம் ஆகியவை மக்களின் பயன்பாட்டில்
வறட்சியிலும் வளரும் மரம்
100 ஆண்டுகள் வாழும் நிலைத்த பசுமைச் சின்னம்
கார்பன் டை ஆக்சைடு உறிஞ்சி ஆக்சிஜன் வெளியிடும் இயற்கை ஆலை

“நீரின்றி அமையாது உலகு” — திருக்குறள்
பனைமரம் அதற்கான அடித்தளம்!

பசுமை தமிழ்நாடு இயக்கம் – 33% பசுமை இலக்கை நோக்கி

தமிழ்நாடு அரசு 33% பசுமை இலக்கை அடைய பல்வேறு திட்டங்களை முன்னெடுத்து வருகிறது.
அதில் பனைமரம் இயற்கையின் நம்பிக்கையான தீர்வாக விளங்குகிறது —
மண், நீர், காற்று, பல்லுயிர் அனைத்தையும் ஒருங்கிணைத்து காப்பது இதன் சிறப்பு.

தலைமை ஒருங்கிணைப்பாளர் ஹரி கிருஷ்ணன் அவர்கள் கூறுகையில்:

“பனை மரம் தமிழரின் மரபு மரம். இதை வளர்ப்பது சுற்றுச்சூழல் பணி மட்டுமல்ல, கலாச்சார கடமையும் ஆகும்.
ஒவ்வொரு தன்னார்வலரும் விதைக்கும் பனை விதை, தமிழரின் அடையாளத்தையும் இயற்கையின் சமநிலையையும் உயிர்ப்பிக்கும் விதையாகும்.”

“பனை வளர்த்தல் பண்பை வளர்த்தல்” — நமது தலைமுறையின் பொறுப்பும் பெருமையும்!

சான்றிதழ் மற்றும் விவரங்களுக்கு:
udhavi.app/panai
tamilnaduvolunteers.org

செய்தி வெளியீடுதமிழ்நாடு தன்னார்வலர்கள் அமைப்பு
9087293339 | 9940483223 || 9176720360 | 9176319004